რეგიონები

ქარელში 23 წლის სამხედრო მოსამსახურე მოკლეს

ქარელის მუნიციპალიტეტში, სოფელ ხვედურეთში სამხედრო მოკლეს.

წინასწარი ინფორმაციით, 23 წლის ახალწვეული შემთხვევით ნასროლმა ტყვიამ იმსხვერპლა.

შემთხვევა ქარელი-სკრა-გორის დამაკავშირებელი გზის მიმდებარე ტერიტორიაზე, ტყესთან ახლოს მოხდა. ჯარისკაცს ჭრილობები სანადირო თოფით აქვს მიყენებული.

როგორც ადგილობრივები ამბობენ, ახალწვეული უქმეებზე ოჯახთან იყო ჩასული.

არსებული ინფორმაციით, სამართალდამცველებმა სავარაუდო დამნაშავე უკვე დააკავეს. თანასოფლელი, რომლის ნასროლ ტყვიასაც ახალგაზრდა ბიჭი შეეწირა, პოლიციას თავად ჩაბარდა.

შსს-მ მომხდარზე გამოძიება სისხლის სამართლის კოდექსისი 108-ე მუხლით მიმდინარეობს.