მოზაიკა

ქალმა 24 წლის წინ ჩასახული ბავშვი გააჩინა

25 წლის თინა გიბსონი 7 წლის წინ დაოჯახდა. მათ მაშინვე დაგეგმეს შვილის გაჩენა, მაგრამ აღმოჩნდა, რომ მამაკაცი უნაყოფო იყო.

წყვილმა გადაწყვიტა ბავშვი აეყვანა, თუმცა საკუთარი შვილის გაჩენის ვარიანტებზეც არ თქვა უარი. მათ მიმართეს აშშ-ს ნაციონალურ ემბრიონულ დონაციის ცენტრს და აირჩიეს 300 შეთავაზებული ემბრიონიდან ერთ-ერთი.

სპეციალისტებმა წყვილს განუმარტეს, რომ ისინი რეკოდსმენები გახდებოდნენ, რადგან მათი ემბრიონი 1992 წლიდან ინახებოდა დონორების ბანკში.

მათი თქმით, ეს ემბრიონი 1992 წლის 14 ოქტომბერს დონაციის ცენტრს ,,შესწირა“ ანონიმმა წყვილმა. ამ დრომდე კი, რეკორდად 20 წლის ემბრიონი ითვლებოდა.

თინა დაეთანხმა წინადადებას და ემბრიონი საკუთარი მუცლით ატარა 9 თვე. ამ პერიოდის შემდეგ კი, პატარა ემმა დაიბადა.

,,მე 25 წლის ვარ. ემმა რომ დაბადებულიყო 1992 წელს, ჩვენ შესაძლოა, საუკეთესო მეგობრები ვყოფილყავით“, - ამბობს თინა CNN-თან საუბარში.

ნინო ექვთიმიშვილი