რეგიონები

ქალაქის მერის პოზიცია უცვლელია, ქუთაისში არ დაუშვებს გარევაჭრობას - ქუთაისის მერია

ქუთაისის მერსა და გარემოვაჭრეებს შორის გამართული შეხვედრა დასრულდა გარემოვაჭრეთა ნაწილი მერის შემოთავაზებას არ დათანხმდა და პროტესტით დაემუქრა. ქუთაისის მერი დაპირდა ბაზრობებში შესვლასა და სამი თვის განმავლობაში გადასახადებისგან გათავისუფლებას.

მერიის განცხადებით, გიორგი ჭიღვარია გარევაჭრობას აღარ დაუშვებს.

„ქალაქის მერის პოზიცია უცვლელია, ქუთაისში არ დაუშვებს გარევაჭრობას. გიორგი ჭიღვარიას განმარტებით, მათ უკვე მოილაპარაკეს ბაზრების ხელმძღვანელებთან, რომლებიც მზად არიან გარემოვაჭრეებს სამი თვით უფასოდ გამოუყონ დახლები“, - წერია განცხადებაში.

დღეიდან ქუთაისში გარევაჭრობა აიკრძალა, რასაც გარემოვაჭრეთა პროტესტი მოჰყვა.

ანა მებურიშვილი