რეგიონები

პეტრას ციხეზე ტურისტული ინფრასტრუქტურის მოწყობა იგეგმება

პეტრას ციხის მუზეუმ-ნაკრძალში ინფრასტრუქტურული სამუშაოების განხორციელება იგეგმება, რომლის მიხედვითაც ციხე ტურისტებისთვის უფრო მიმზიდველი გახდება.

ციხეზე დაგეგმილ პროექტებს აჭარის ტურიზმის დეპარტამენტის თავმჯდომარე სულხან ღლონტი აჭარის კულტურული მემკვიდრეობის სააგენტოს ხელმძღვანელ ლაშა ასლანიშვილთან ერთად ადგილზე გაეცნო.

აჭარის მთავრობის ტურიზმისა და კურორტების დეპარტამენტის ინფორმაციით, პეტრას ციხის რეაბილიტაციის გრძელვადიანი გეგმით ინფრასტრუქტურული სამუშაოების განხორციელება იგეგმება. ციხის მუზეუმ-ნაკრძალში მოეწყობა მისასვლელი გზები, ბილიკები და საექსპოზიციო ნაგებობები. ასევე გაკეთდება ბანერებისა და თვალსაჩინო მასალების განთავსების ადგილები. ციხის პოპულარიზაციის მიზნით ასევე განიხილება ყოველწლიური ფესტივალის „არტ ფესტივალი პეტრა“-ს გამართვის იდეაც. აჭარის ტურიზმის დეპარტამენტი პეტრას ციხესიმაგრეს, როგორც რეგიონში ერთ-ერთ მთავარ ტურისტულ ღირსშესანიშნაობას აქტიურ პოპულარიზაციას როგორც საიმიჯო კლიპებით, ასევე სხვადასხვა სარეკლამო აქტივობებით უწევს.

პეტრას ციხეზე ყოფნისას სულხან ღლონტი ლაშა ასლანიშვილთან ერთად ედინბურგელ მკვლევარებს ემანუელე ინტალიატასა და მართა კარლოტა რავიცაას შეხვდა, რომლებიც ქართველ არქეოლოგ დავით ნასყიდაშვილთან ერთდ პეტრას ციხეზე ბიზანტიური ეპოქის ნაშთებს იკვლევენ. პეტრას ციხე უძველესი ისტორიული ციხე-ქალაქის ნანგრევებს წარმოადგენს და ის სოფელ ციხისძირში, ქობულეთიდან 15 წუთის სავალზე მდებარეობს. უნიკალური სამხედრო-სტრატეგიული და სავაჭრო-ეკონომიკური მდებარეობით გამორჩეული ციხე-ქალაქი ბიზანტიის იმპერატორის იუსტინიანეს ბრძანებით ჩვენი წელთაღრიცხვის VI საუკუნეშია აშენებული. ის აჭარაში ტურისტებისთვის საინტერესო კულტურულ-ისტორიული ძეგლია.

საკვანძო სიტყვები:

პოლიციამ მარნეულში არასრულწლოვნის მიმართ ოჯახში ძალადობის ფაქტზე ერთი პირი დააკავა

16 მარტი, 2026 , 11:15

საქართველოს შინაგან საქმეთა სამინისტროს ქვემო ქართლის პოლიციის დეპარტამენტის მარნეულის რაიონული სამმართველოს თანამშრომლებმა წინასწარი შეცნობით არასრულწლოვნის მიმართ ოჯახში ჩადენილი ძალადობის ბრალდებით 2005 წელს დაბადებულ

ტყიბულის მუნიციპალიტის სოფელ კურსებში გეოლოგების სამი ჯგუფი ადგილზე იმყოფება, რათა ოპერატიულად იქნას შეფასებული არსებული მდგომარეობა - გარემოს ეროვნული სააგენტო

12 მარტი, 2026 , 10:36

გარემოს ეროვნული სააგენტოს ინფორმაციით, დღეს, 12 მარტს, გამთენიისას, ტყიბულის მუნიციპალიტის სოფელ კურსებში ადგილი ჰქონდა მეწყრული პროცესები ჩასახვა-გააქტიურებას. უწყების ცნობით, წინასწარი ინფორმა