რეგიონები

ოზურგეთში ხელისუფლების წარმომადგენლებს ადგილობრივი მოსახლეობა დაუპირისპირდა

ოზურგეთში სოფლის მეურნეობის სამინისტროს წარმომადგენლებსა და სოფელ დვაბზუშის მცხოვრებლებს შორის გამართული შეხვედრა ურთიერთდაპირისპირების და ბრალდებების ფონზე წარიმართა. შეხვედრაზე ფაროსანასთან წინააღმდეგ ბრძოლის საკითხზე მსჯელობდნენ.

ადგილობრივები ხელისუფლებას უყურადღებობაში ადანაშაულებენ და მისგან ქმედით ღონისძიებების გატარებას ითხოვენ.

როგორც გლეხელბი აცხადებენ, მთავრობის მიერ ფაროსანას წინააღმდეგ წარმოებულმა შეწამვლამ ისინი შემოსავლის გარეშე დატოვა, კერძოდ, მათი თქმით, განადგურდა არა მარტო თხილი არამედ ხეხილი და ბოსტანი.

გარემოს დაცვისა და სოფლის მეურნეობის მინისიტრის მოადგილე გიორგი ხანიშვილმა ხაზგასმით აღნიშნა, რომ აზიურ ფაროსანასთან ბრძოლის სახელმწიფოს მიერ შემუშავებული სტრატეგია წარმატებით მიმდინარეობს, თუმცა, კვლავ პრობლემაა მოსახლეობის მიერ აქტიური ჩართულობა და მათ მიერ სხვა დაავადებების საწინააღმდეგო ღონისძიებების გატარება.