რეგიონები

ოზურგეთში ებრაელი ბიზნესმნენი დააყაჩაღეს

ოზურგეთში, დაბა ლაითურში მცხოვრები ბიზნესმენი იგორ ასკაროვი აცხადებს, რომ მას და მის მეუღლეს უცნობი პირები თავს დაესხნენ, დააყაჩაღეს და ფიზიკურად გაუსწორდნენ.

ინფორმაცია ასკაროვმა ჟურნალისტებს თავად მიაწოდა.

ბიზნესმენს დაზიანება თავის არეში აქვს მიყენებული. მისი ჯანმრთელობის მდგომარეობა სტაბილურია. ამ დროისთვის, მას სამედიცინო დაწესებულებისთვის არ მიუმართავს.

ასკაროვი ამბობს, რომ ნაცემია მისი მეუღლეც, წაღებულია გარკვეული რაოდენობის თანხა და ოქრო.

როგორც ბიზნესმენი ამბობს, ის პოლიციას არ ენდობა და აცხადებს, რომ თავდამსხელები სამართალდამცავებმა გამოუგზავნეს. სწორედ ამ მიზეზს ასახელებს თუ რატომ არ შეატყობინა პოლიციას და რატომ არ მისცა მათ ჩვენება.

,,არ ვედნობი და არ მინდა მათთან თანამშრომლობა,“_ აღნიშნა ბიზნესმენმა.

ეს არ არის ბიზნესმენზე თავდასხმის პირველი ფაქტი. ასკაროვი უკვე წლებია საუბრობს იმაზე, რომ მის ბიზნესს ავიწროებენ და სახლში მუქარით არა ერთხელ შეუვარდნენ.

ბიზნესმენმა აღნიშნულის თაობაზე საქართველოს მთავრობას არაერთხელ მიმართა.

ნინო ექვთიმიშვილი