რეგიონები

ორი დაშავებული და ერთი გარდაცვლილი - ავარია თუშეთში

თუშეთში ავტომანქანის ხრამში გადავარდნის შედეგად, ერთი ადამიანი დაიღუპა და ორი კი, დაშავდა. შემთხვევა წოვათის ხეობაში, სოფელ ილიურთასთან მოხდა.

ავტომობილი ხრამში რამდენიმე ათეული მეტრის სიმაღლიდან გადავარდა. დაშავებულები გვიან ღამით ამოიყვანეს.

დაშავებულები თელავის რეფერალურ საავადმყოფოში არიან გადაყვანილი. გავრცელებული ინფორმაციით, მათ სიცოცხლეს საფრთხე არ ემუქრება.

ავტოსაგზაო შემთხვევის სავარაუდო მიზეზად, პირველადი მონაცემებით, ალკოჰოლით თრობა სახელდება.

ნინო ექვთიმიშვილი