მოზაიკა

,,ოქროს საჭე 2016’’-ზე 2 ნომინაციაში ,,ომეგა ავტო ჯგუფის” ოფიციალურ წარმომადგენლობაში მყოფმა ავტომობილებმა გაიმარჯვეს

ჟურნალმა ,,ავტო ბილდ საქართველომ’’ 2016 წლის საუკეთესო ავტომობილები 5 მონიმაციაში გამოავლინა.

,,ოქროს საჭე 2016’’-ის დაჯილდოვების ცერემონიალს მერაბ ბერძენიშვილის სახელობის კულტურის ცენტრმა ,,მუზამ’’ უმასპინძლა.

საავტომობილო ოსკარებზე წარდგენილი 5 ნომინაციიდან 2-ში გამარჯვება ,,ომეგა ავტო ჯგუფის” ოფიციალურ წარმომადგენლობაში მყოფმა ავტომობილებმა მოიპოვეს.

საშუალო და დიდი კროსოვერების კლასში Maserati Levante-მ გაიმარჯვა.

,,ავტომობილების წლევანდელ დაჯილდოვებაზე წარმოვადგენ კომპანია ,,ომეგა ავტო ჯგუფს’’, რომლის ერთ-ერთი შემადგენელი ნაწილი გახლავთ ,,მაზერატის’’ ოფიციალური წარმომადგენლობა საქართველოში. გაიმარჯვა ,,მაზერატი ლევანტემ.’’ დიდი მადლობა ყველას ამისთვის, ვინც ხმა მისცა.

ქართველ მოსახლეობას და არამარტო მათ, საშუალება ეძლევა ჩვენს შოურუმში იხილონ და დატკბნენ, შეიძინონ და გახდნენ მფლობელები ამ შესანიშნავი ავტომობილის, როგორიც გახლავთ ,,მაზერატი ლევანტე’’ და არამარტო, ასევე კვადროპორტე, გიბლი და ცოტა ხანში ,,მაზერატი’’ კიდევ ახალი მოდელებით გაგვანებივრებს’’, - განაცხადა ,,მაზერატის’’ მარკეტინგის მენეჯერმა, დიმიტრი მოდრეკელიძემ.

სპორტული ავტომობილების კლასში კი, ,,ომეგა ავტო ჯგუფის” ოფიციალურ წარმომადგენლობაში მყოფმა კიდევ ერთმა ავტომობილმა - ,,BMW M 2-მა’’ გაიმარჯვა.

,,BMW იყენებს ძალიან მაღალ ტექნოლოგიებს და ეს მაღალი ტექნოლოგიები ჩართულია მის ყველა პროდუქტში. შესაბამისად, BMW ყოველ წელს უფრო უკეთეს პროდუქტს ქმნის’’, - განაცხადა ,,ომეგა მოტორსის’’ მენეჯერმა აკაკი ენუქიძემ.

2016 წლის ,,ოქროს საჭის’’ მფლობელი კი, ავტომბრბოლელი დავით ქაჯაია გახდა.

ჟურნალი ,,ავტო ბილდ საქართველო’’ 2008 წლიდან გამოდის და მსოფლიოს ნომერ პირველ საავტომობილო ჟურნალის ,,ავტო ბილდის’’ ლიცენზირებული გამოცემაა.