რეგიონები

ონში სასოფლო-სამეურნეო სავარგულები, საბავშვო ბაღის ტერიტორია და საცხოვრებელი სახლების ეზოების ნაწილი დაიტბორა

ონში სტიქიისაგან მიყენებულ ზარალს ითვლიან.

ონის გამგებლის გიორგი ლობჯანიძის ინფორმაციით, ადგილობრივი სამსახურები მთელი ღამის განმავლობაში მუშაობდნენ და გაწმენდითი სამუშაოები ამ დრომდე გრძელდება.

უხვი ნალექის გამო ადიდებული მდინარე რიონი კალაპოტიდან გადმოვიდა და მიმდებარე ტერიტორია დატბორა. განსაკუთრებით დაზიანდა ქალაქ ონის მარცხენა სანაპირო.

დაიტბორა სასოფლო-სამეურნეო სავარგულები, პარკისა და საბავშვო ბაღის მიმდებარე ტერიტორია, საცხოვრებელი სახლების ეზოების ნაწილი.

ონის გამგებლის განცხადებით, შექმნილია ზარალის დამთვლელი კომისია.

ნინო ექვთიმიშვილი