მოზაიკა

მივიღებ თუ არა პრემიას? რასაკვირველია! - ბობ დილანი

ამერიკელი მუსიკოსი და პოეტი ბობ დილანი, შვედეთის აკადემიას დაუკავშირდა და შეატყობინა, რომ ლიტერატურის დარგში ნობელის პრემიას მიიღებს.

ამის შესახებ ინფორმაცია პრემიის საორგანიზაციო კომიტეტის საიტზე განთავსდა.

„მივიღებ თუ არა პრემიას? რასაკვირველია. ნობელის პრემიის შესახებ ინფორმაციამ მეტყველების უნარი დამიკარგა. ძალიან ვაფასებ გადაწყვეტილებას“,-აღნიშნა დილანმა.

ბობ დილანს ლიტერატურის დარგში ნობელის პრემია ოქტომბრის შუა რიცხვებში მიენიჭა. თუმცა მისი დამოკიდებულება ამ ფაქტთან დაკშირებით უცნობი იყო.

შვედური აკადემია აცხადებდა, რომ მუსიკოსთან დაკავშირებას ვერ ახერხებდა.

ბობ დილანი გახდა პირველი ლაურეატი, რომელსაც ლიტერატურის დარგში ნობელის პრემია მუსიკის ტექსტებისთვის გადაეცემა.

საკუთარ განმარტებაში აკადემია აცხადებს, რომ დილანს პრემია „ახალი პოეტური ენის შექმნის გამო ენიჭება“.

მონიკა დავლიანიძე