რეგიონები

მირდატ ქამადაძე ბათუმის საკრებულოს თავმჯდომარეს და მერიას ამომრჩევლის მოსყიდვაში ადანაშაულებს

ბათუმის საკრებულოს ოპოზიციონერი დეპუტატი მირდატ ქამადაძე ბათუმის საკრებულოს თავმჯდომარეს და მერიას კანონდარღვევასა და ამომრჩევლის მოსყიდვაში ადანაშაულებს.

უფრო კონკრეტულად, დეპუტატის ინფორმაციით, ბათუმის მუნიციპალიტეტის ბიუჯეტში საკრებულომ რამდენიმე თვის წინ სტიქიით დაზარალებული ადამიანებისათვის გამოყო თანხები კონკრეტული სამუშაოების ჩასატარებლად, რაც არის კანონდარღვევა და ამომრჩევლის მოსყიდვა.

„საკრებულოს საფინანსო-საბიუჯეტო კომისიამ მიიღო გადაწყვეტილება, რომლითაც ბიუჯეტით განსაზღვრულ კონკრეტულ პროგრამებში და ქვეპროგრამებში შევიდა ცვლილებები. კერძოდ, 8 – 10 აგვისტოს მომხდარი სტიქიის შედეგად დაზარალებული ადამიანებისთვის ახლა ხდება თანხების გამოყოფა. ეს იკრძალება კანონმდებლობით. ხელისუფლებამ თავის დროზე, როდესაც ეს სტიქია მოხდა ყურად არ იღო ამ ადამიანების თხოვნა და არაფერი იმოქმედა ამის გასაკეთებლად, მაგრამ დღეს, როდესაც უკვე წინასაარჩევნოდ გაუჭირდა ,,ქართულ ოცნებას“, ცდილობს, რომ ამ გზით, კანონის დარღვევის გზით მოახდინოს ამომრჩევლის მოსყიდვა“,- აცხადებს ბათუმის სკარებულოს ფრაქცია ენმს თავმჯდომარე მირდატ ქამადაძე.