მოზაიკა

მეცნიერებმა დაბერების შეჩერების მეთოდს მიაკვლიეს

აშშ-ში, სალკის ბილოგიური კვლევების ინსტიტუტის თანამშრომლები ირწმუნებიან, რომ მიაკვლიეს მეთოდს, თუ როგორ შეაჩერონ დაბერების პროცესი.

კვლევის ფარგლებში სპეციალისტებმა გამოიყენეს თაგვები, რომლებიც დაავადებულები იყვნენ პროგერიით (დაავადება, რომელიც სწრაფ დაბერებას იწვევს). საექპერიმენტო თაგვების კანის ქსოვილებს ნაწილ-ნაწილ აბრუნებდნენ ემბრიონალურ მდგომარეობაში და ახდენდნენ დნმ-ის გადაპროგრამირებას.

მეცნიერების მტკიცებით, ამ პროცედურის გავლის შემდეგ თაგვები გაახალგაზრდავდნენ, მათი გულის მუშაობაც გაუმჯობესდა და 30%-ით დიდხანს ცოცხლობდნენ, ვიდრე ის მღრნელები, რომლებზეც ექსპერიმენტი არ ჩატარებულა.

როგორც სპეციალისტები ამბობენ, თუ კვლევები წარმატებული აღმოჩნდება ადამიანების შემთხვევაშიც, სიცოცხლის ხანგრძლივობა 108 წელს მიაღწევს.

ადამიანების მონაწილეობით კლინიკური კვლევების დაწყება 10 წელში იგეგმება, - იუწყება Dailymail-ი.

ნინო ექვთიმიშვილი