მოზაიკა

მეცნიერები: კლიმატური კატასტროფის შეჩერება შეუძლებელია

ჰავაის უნივერსიტეტის მკვლევარები დარწმუნებული არიან, რომ კაცობრიობამ გლობალური დათბობის შეჩერების შანსი ხელიდან გაუშვა.

ამგვარ დასკვნამდე მეცნიერებმა 2100 წლამდე ჰაერის ტემპერატურის გათვლის შედეგად მივიდნენ.

სპეციალისტები აღნიშნავენ, რომ კატასტროფა გარდაუვალია, რადგან კაცობრიობამ დედამიწა იმდენად დააბინძურა, რომ ვითარების გამოსწორება შეუძლებელია.

ჰავაის უნივერსიტეტის მკვლევარების მონაცემებით, 2100 წლისთვის, დედამიწაზე ტემპერატურა 4,7 დან 7,3 გრადუსამდე მოიმატებს.

სხვაობა ძალიან საგრძნობი იქნება, რადგან ჰაერი ნახშირბადის გაზით იქნება გაჯერებული და მეტ სიმხურვალეს გამოიწვევს.

მკვლევარები დარწმუნებული არიან, რომ სწორედ ეს ფაქტორი გახდება კლიმატური კატასტროფის დასაწყისი.

მათივე ინფორმაციით, მას შემდეგ რაც ჰაერის ტემპერატურა 7,3 გრადუსამდე მოიმატებს, დედამიწაზე ცოცხალი არსებები აღარ დარჩება, ასევე ყველა მცენარე დაიღუპება.

მეცნიერების აზრით, პლანეტის რეაბილიტაციას მილიონობით წელიწადი დასჭირდება.

მონიკა დავლიანიძე