მოზაიკა

მამუკა გორგოძე საქართველოს ნაკრებიდან წავიდა

საქართველოს რაგბის ნაკრების კაპიტანმა მამუკა გორგოძემ სანაკრებო კარიერა დაასრულა. საქართველოს რაგბის კავშირის ინფორმაციით, ის ამ გადაწყვეტილებაზე ერთი წლის განმავლობაში ფიქრობდა.

როგორც გორგოძემ განაცხადა, წასვლის მიზეზი ასაკი გახდა. მან აღნიშნა, რომ 2019 წლის რაგბის მსოფლიო თასის ფინალისთვის 35 წლის იქნება და ამხელა დატვირთვას ვეღარ გაუძლებს.

გორგოძემ განაცხადა, მისი წასვლის მიუხედავად ნაკრებს ღირსეული შემცვლელები ჰყავს.

გორგოძემ საქართველოს რაგბის ნაკრებში თამაში 2003 წელს დაიწყო ესპანეთის ნაკრების წინააღმდეგ. სულ ნაკრებში მას 71 შეხვედრა აქვს ჩატარებული, აქედან 13 კაპიტნის რანგში. გორგოძე საქართველოს ნაკრების საუკეთესო მელელოვეა ( მის აქტივში 26 ლელოა).

ანა მებურიშვილი