რეგიონები

ლენტეხში მოსახლეობა „ხელედულა-3“ ჰესის მშენებლობას აპროტესტებს და მშენებელი კომპანიის ტექნიკას არ ატარებს

ლენტეხში მოსახლეობა „ხელედულა-3“ ჰესის მშენებლობას აპროტესტებს. შეკრებილებმა კომპანია „ხედელულა ენერჯის“ კუთვნილი მძიმე ტექნიკა ხეობის მიმართულებით არ გაატარეს. მათი თქმით, კომპანიამ ტექნიკა ცაგერში გადაიყვანეს.

ადგილობრივების განცხადებით, მდინარეების ხელედურასა და დევაშის დამაკავშირებელ ხეობაში 4-კილომეტრიანი გვირაბი უნდა აშენდეს.

„ჩვენ არ მივცემთ საშუალებას, აქ ჰესი ააშენონ. გზა გადავკეტეთ და ვიბრძოლებთ სისხლის უკანასკნელ წვეთამდე“, – უთხრა პირველ არხს სოფელ წანაშის მკვიდრმა რაჯი ლიპარტელიანმა.

ადგილობრივების ვარაუდით, მშენებლობის დაწყებისა და ჰესის აშენების შემთხვევაში, ორასზე მეტ ოჯახს დატბორვა ემუქრება, ხეობა მოსახლეობისგან დაიცლება, ტერიტორია მეწყერსაშიში ზონაა და 600-ზე მეტი ადამიანი საფრთხის ქვეშ აღმოჩნდება