რეგიონები
ყველა დიდი კერა ლიკვიდირებულია, პატარ-პატარა კერების დამუშავება ხდება - გიორგი მღებრიშვილი
შინაგან საქმეთა მინისტრის, გიორგი მღებრიშვილის ინფორმაციით, ბორჯომის ხეობაში ხანძრის ყველა დიდი კერა ლიკვიდირებულია და რჩება მცირე კერები, რომლებსაც ცოცხალი ძალა ამუშავებს.
მინისტრის თქმით, სამუშაოები გრძელდება, თუმცა ავიაცია წინა დღეებთან შედარებით ამხელა დატვირთვით აღარ იქნება ჩართული.
„ყველა დიდი კერა ამ ეტაპზე ლიკვიდირებულია. პატარ-პატარა კერების დამუშავება ხდება ცოცხალი ძალის მიერ. ჩვენ მაინც 24-საათიან რეჟიმში სრული დატვირთვით ვმუშაობთ. ყველა სამსახური, რომელიც აქ ვიმყოფებით, კოორდინაციაში განვაგრძნობთ მუშაობას. ადგილზე რჩება ასევე ავიაცია. ამის მიუხედავად, ჩვენ დღეს ავიაციას იმ დოზით აღარ გამოივიყენებთ, რაც აქამდე გამოვიყენეთ, იმიტომ რომ დღეს ძირითადად ხმელეთზეა სამუშაო ცოცხალი ძალის. ტექნიკაც რჩება ადგილზე.. დღეს საკმაოდ კარგი მდგომარეობა გვაქვს, წინა დღეებთან შედარებით“, - განაცხადა მღებრიშვილმა.
მინისტრის ინფორმაციით, ხანძრის სალიკვიდაციო სამუშაოებში ჩართული ყველა ქვედანაყოფი კიდევ რამდენიმე დღე დარჩება ხეობაში პრევენციის მიზნით.
„უპირველეს ყოვლისა, დიდ მადლობას გადავუხდი პრემიერ-მინისტრ გიორგი კვირიკაშვილს, რომელიც ბოლო წუთამდე მეხანძრე-მაშველების, მეტყევეებისა და ყველა იმ ადამიანის გვერდით იდგა, ვინც აქტიურად იყო ჩართული ხანძრის სალიკვიდაციო სამუშაოებში. დღესაც იგივე რაოდენობა ვრჩებით ადგილზე, რაც აქამდე ვიყავით. აქ იმყოფება ასევე თავდაცვის სამინისტრო და სამხედროები. ჩვენ ვაგრძელეთ ტერიტორიების მონიტორინგს. მოგვიწევს რამდენიმე დღე კიდევ დარჩენა, რათა ახალი კერები არ გაჩნდეს“, - განაცხადა შს მინისტრმა.
რაც შეეხება ხანძრის შესაძლო მიზეზს, მღებრიშვილმა განაცხადა, რომ გამოძიება მიმდინარეობს და ყველა ვერსია იქნება შესწავლილი.
„გამოძიების პროცესი აქტიურად მიმდინარეობს და მე არ შემიძლია, გავასწრო მოვლენებს. დაველოდოთ მის განვითარებას. აბსოლუტურად ყველა გარემოება იქნება შესწავლილი“, - განაცხადა მღებრიშვილმა.
მინისტრის ცნობით, ასევე მიმდინარეობს დამწვარი ტერიტორიის აღრიცხვა.
ანა მებურიშვილი
საკვანძო სიტყვები:
პოლიციამ მარნეულში არასრულწლოვნის მიმართ ოჯახში ძალადობის ფაქტზე ერთი პირი დააკავა
16 მარტი, 2026 , 11:15
ტყიბულის მუნიციპალიტის სოფელ კურსებში გეოლოგების სამი ჯგუფი ადგილზე იმყოფება, რათა ოპერატიულად იქნას შეფასებული არსებული მდგომარეობა - გარემოს ეროვნული სააგენტო
12 მარტი, 2026 , 10:36
ტყიბულის მუნიციპალიტეტში, სოფელ კურსებში, ჩამოწოლილია მეწყერი-მიმდინარეობს მოსახლეობის ევაკუაცია
12 მარტი, 2026 , 10:10
სურსათის ეროვნულმა სააგენტომ თევზის შესაბოლ არალეგალურ საწარმოში კრიტიკული შეუსაბამობები გამოავლინა
10 მარტი, 2026 , 14:07
ყაჩაღობის ფაქტზე ბათუმის პოლიციის მესამე განყოფილების უფროსი დეტექტივი დაკავებულია - პროკურატურა
9 მარტი, 2026 , 16:47
აჭარის მთავრობა ხანძრითა და სტიქიით დაზარალებულ 256 ოჯახს დაეხმარება
6 მარტი, 2026 , 11:26


