რეგიონები

ყვარელში მამათილმა რძალი დაჭრა

ყვარლის რაიონის სოფელ საბუეში მამათილმა რძალს თოფი ესროლა.

არსებული ინფორმაციით, 26 წლის თამარ თამაზაშვილს ჭრილობა ზურგის არეში აქვს მიყენებული.

დაჭრილი თელავის რეფერალურ საავადმყოფოშია გადაყვანილი.

ბრალდებული 75 წლის დიმიტრი გივიშვილი პოლიციამ შემთხვევის ადგილზე დააკავა.

როგორც მედიანიუსს შინაგან საქმეთა სამინისტროში განუცხადეს, ნივთმტკიცებად ამოღებულია თოფი.

უწყების ინფორმაციით, ფაქტზე დაწყებულია გამოძიება სისხლის სამართლის კოდექსის 19-108 მუხლით, რაც განზრახ მკვლელობის მცდელობას გულისხმობს.

ნინო ექვთიმიშვილი