მოზაიკა

ხვალ საქართველოში არამდგარდ ამინდს ელიან

სინოპტიკოსები საქართველოში ხვალისთვის ცვალებად ამინდს პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოში დღის ბოლოს ზოგან მოსალოდნელია ხანმოკლე წვიმა ელჭექით. იქროლებს აღმოსავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მოსალოდნელი ტემპერატურაა: დაბლობში +33, +38; მთაში +28, +33; მაღალ მთაში +25, +30 გრადუსი.

აღმოსავლეთ საქართველოს ზოგიერთ რაიონში დღის ბოლოს შესაძლებელია ხანმოკლე წვიმა ელჭექით. იქროლებს აღმოსავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +27, +32; მთაში +28, +33; მაღალ მთაში +15, +20 (ზოგან +28-მდე) გრადუსი.

თბილისში დღე უმეტესად უნალექოდ ჩაივლის. ღამისა და დილის საათებში შესაძლებელია ნისლი. დაუბერავს სუსტი ქარი. ჰაერის მაქსიმალური ტემპერატურა კი, დედაქალაქში +30 გრადუსი იქნება.