მოზაიკა

ხვალ საქართველოს ზოგიერთ რაიონში თოვლს და ყინვას ელიან

სინოპტიკოსები საქართველოს ზოგიერთ რაიონში ხვალისთვის ნალექს და ყინვას პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოს ზოგიერთ რაიონში ნალექია მოსალოდნელი უმეტესად თოვლის სახით. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მოსალოდნელი ტემპერატურაა: დაბლობში +2, +7; მთაში -2, +3; მაღალ მთაში -7, -2 გრადუსი.

აღმოსავლეთ საქართველოს ზოგიერთ რაიონში ასევე ნავარაუდევია თოვა. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში +2, +7; მთაში -2, +3; მაღალ მთაში -7, -2 გრადუსი.

თბილისში დროგამოშვებით ღრუბლიანობა მოიმატებს, თუმცა უმეტესად უნალექო ამინდი შენარჩუნდება. იქროლებს ჩრდილო-დასავლეთის ქარი 10-15 მეტრი/წამში, დროგამოშვებით ძლიერი 17-22 მეტრი/წამში. ჰაერის მაქსიმალური ტემპერატურა კი, დედაქალაქში +5 გრადუსია.

ნინო ექვთიმიშვილი