მოზაიკა

ხვალ საქართველოს ზოგიერთ რაიონში ტემპერატურა 0 გრადუსამდე დაეცემა

სინოპტიკოსები 3 ოქტომბრისთვის საქართველოს მთელ ტერიტორიაზე ნალექს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში უმეტესად ღრუბლიანი ამინდი და წვიმაა მოსალოდნელი. იქროლებს დასავლეთის ქარი 9-14 მეტრი/წამში. ჰაერის მოსალოდნელი ტემპერატურაა: დაბლობში +12, +17; მთაში +8, +13; მაღალ მთაში +4, +9 გრადუსი.

აღმოსავლეთ საქართველოში ნავარაუდევია უმეტესად ღრუბლიანი ამინდი და წვიმა. ჩრდილო-მაღალმთიან რაიონებში შესაძლებელია თოვა. იქროლებს დასავლეთის ქარი 9-14 მეტრი/წამში. ჰაერის ტემპერატურა იქნება: დაბლობში +10, +15; მთაში +7, +12; მაღალ მთაში +1, +6 (ზოგან 0-მდე) გრადუსი.

თბილისში ღრუბლიან ამინდს და წვიმას ელიან. იქროლებს ჩრდილო-დასავლეთის ქარი 7-12 მეტრი/წამში. ჰაერის მაქსიმალური ტემპერატურა კი, დედაქალაქში დღეს ღამით +12, დღისით კი, +15 გრადუსი იქნება.