რეგიონები

ხობში მონადირეებმა მგელი მოკლეს

ხობში, სოფელ ნოჯიხევის მოსახლეობა მგლების თავდასხმაზე საუბრობს და სანადირო ლიცენზიების დამატებით გაცემას ითხოვს.

სოფლის საძოვარზე ადგილობრივებმა მგელი მოკლეს, რომელიც საქონელს დაესხა თავს. შემთხვევა ცენტრალური მაგისტრალიდან და დასახლებული პუნქტიდან დაახლოებით 300 მეტრის მოშორებით მოხდა.

,,8 წელია მგელი გამოჩნდა ამ მიდამოში და 11 სული საქონელი დამიგლიჯა. ხშირია მსგავსი შემთხვევები“, - ამბობს ერ-ერთი ადგილობრივი.

მუნიციპალიტეტის ზედამხედველობის სამსახურში განმარტავენ, რომ ამ ეტაპზე გაცემულია ლიცენზია 10 მგლის და 20 ტურის მონადირების შესახებ.

ნინო ექვთიმიშვილი