რეგიონები

ყაზბეგის ეროვნული პარკი გაფართოვდება

სასტუმრო „რედისონ ბლუ ივერიაში“ ყაზბეგის ეროვნული პარკის გაფართოების შესახებ იმსჯელეს. გარემოსა და ბუნებრივი რესურსების დაცვის მინისტრმა გიგლა აგულაშვილმა, მოადგილესთან ეკატერინე გრიგალავასთან ერთად, შეხვედრის მონაწილეებს ეროვნული პარკის გაფართოების მნიშვნელობაზე ესაუბრა, - აცნობეს მედიანიუსს გარემოს დაცვის სამინისტროდან.

ამჟამად არსებულ საზღვრებში, ყაზბეგის ეროვნული პარკი ვერ უზრუნველყოფს ეკოსისტემების სრულფასოვან დაცვას. პარკის გაფართოება ხელს შეუწყობს ყაზბეგის მუნიციპალიტეტში არსებული ეკოსისტემების უკეთ დაცვას, რეგიონში მდგრადი ტურიზმის განვითარებასა და ადგილობრივი მოსახლეობის სოციალურ-ეკონომიკური მდგომარეობის გაუმჯობესებას.

პრეზენტაციას მცხეთა-მთიანეთის სამხარეო ადმინისტრაციისა და ადგილობრივი მუნიციპალიტეტის, საქართველოს პარლამენტის წევრები და გარემოსდაცვითი არასამთავრობო ორგანიზაციების წარმომადგენლები ესწრებოდნენ.