ეკონომიკა
იციკ მოშე: ქვეყანა უნდა იზომებოდეს არა მარტო ინვესტიციების მოზიდვით, არამედ მისი დაცვითაც
საქართველო-ისრაელის ბიზნეს პალატის ხელმძღვანელი იციკ მოშე, რომელიც წლების წინ დსთ-ს სივრცეში ებრაულ სააგენტოს წარმოადგენდა, მიმართავს ისრაელის პარლამენტის (ქნესეთი) ეკონომიკურ გუნდს, რეაგირება მოახდინოს უკრაინაში ებრაელი ინვესტორისთვის სასტუმროს წართმევაზე. იციკ მოშე ეხმაურება პრობლემაზე უკრაინაში ისრაელის ელჩის ელი ბელოცარკოვსკის განცხადებას, რომ „საელჩოსთვის ცნობილია საკითხის შესახებ და საქმის მოსაგვარებლად იმყოფებიან ხელისუფლებასთან კონტაქტზე“.
საქართველო-ისრაელის ბიზნეს პალატის ხელმძღვანელი, რომელიც ამჟამად მეგობრობის ჯგუფების შეხვედრის ფარგლებში ისრაელში იმყოფება, ელჩებს შეახსენებს, რომ ქვეყნებს შორის კავშირები, უპირველეს ყოვლისა, ემყარება ეკონომიკურ ურთიერთობებს და თუ ელჩები ვერ/ან არ აგვარებენ საკითხებს, სჯობს, უარი თქვან დიპლომატიური წარმომადგენლობის ხელმძღვანელის თანამდებობაზე.
იციკ მოშეს თქმით, პრობლემა ყველგან შეიძლება წარმოიშვას, თუმცა მას ჭირდება დროული და ეფექტიანი რეაგირება. საქართველო-ისრაელის ბიზნეს პალატის ხელმძღვანელი მადლობას უხდის საქართველოს ბიზნესომბუდსმენს საქართველოში ისრაელურ ინვესტიციებთან დაკავშირებულ საკითხებში დროულად ჩართვისთვის და აცხადებს, რომ მასთან შეხვედრა 20 ივნისს გაიმართება.
„ქვეყანაში ეკონომიკური გარემო და აქტივობა უნდა იზომებოდეს არა მარტო ინვესტიციების მოზიდვით, არამედ მისი დაცვითაც. საქართველო-ისრაელის ეკონომიკურ ურთიერთობებში ბევრად უფრო დიდი პოტენციალია, ვიდრე ის დღესაა ათვისებული. უცხოეთიდან ინვესტიციების მოზიდვის საქმეში 33 %-იანი ჩავარდნაც პრობლემა არ არის და ეს იმის ნიშანია, რომ გასაძლიერებელია ორმხრივი მუშაობა“, - აცხადებს იციკ მოშე და დასძენს, ებრაელობიდან შემოსული ინვესტიციები, სინამდვილეში, 3-ჯერ მეტია, თუმცა ის სტატისტიკურად აისახება არა ისრაელის სახელზე, არამედ შემოდის ჰოლანდიიდან, პანამიდან ან ოფშორებიდან.
საკვანძო სიტყვები:
იანვარში საქართველოს ეკონომიკა 7.9 პროცენტით გაიზარდა - საქსტატი
27 თებერვალი, 2026 , 12:06
იანვარში საქართველოში საქონლით საგარეო სავაჭრო ბრუნვა 24.2 პროცენტით შემცირდა -საქსტატი
13 თებერვალი, 2026 , 12:30
2025 წელს საქართველოში საქონლით საგარეო სავაჭრო ბრუნვა 10.1 პროცენტით გაიზარდა - საქსტატი
20 იანვარი, 2026 , 13:41
„იგლ ჰილსის“ პროექტის სამშენებლო ეტაპზე 30 000 სამუშაო ადგილი შეიქმნება, სახელმწიფო ბიუჯეტში შესაძლებელი იქნება 4 მილიარდ დოლარამდე ეკვივალენტის საგადასახადო შემოსავლების მობილიზება - მოჰამედ ალაბარი
14 იანვარი, 2026 , 08:54
ნოემბერში საქართველოს ეკონომიკა 7.2 პროცენტით გაიზარდა - საქსტატი
31 დეკემბერი, 2025 , 12:27
ირაკლი კობახიძე „იგლ ჰილსზე“ - მინიმუმ 11 მლრდ ლარით გაზრდის ჩვენს ეკონომიკას ეს ერთი კონკრეტული ინვესტიცია, რაც შეეხება ბიუჯეტს, საშუალოდ, მომდევნო 10 წლის განმავლობაში, მინიმუმ 700 მილიონი ლარი დაემატება საქართველოს ბიუჯეტს
29 დეკემბერი, 2025 , 10:09


