მოზაიკა

ინდოეთში 22 წლის კაცს სისხლის ცრემლები წამოუვიდა

ინდოეთში ექიმს მიმართა კაცმა ჩივილით, რომ მას თვალებიდან სისხლიანი ცრემლები წამოუვიდა. ამის შესახებ The Daily Mail იუწყება.

22 წლის კაცს ასეთი ცრემლდენა უკვე ორჯერ ჰქონდა. მისი თქმით, სისხლის დენაცა და მისი შეწყვეტაც მისგან დამოუკიდებელი მიზეზებით ხდებოდა.

სპეციალისტებმა ყველა შესაძლო კვლევა ჩაატარეს და აღმოაჩინეს, რომ პაციენტს სისხლძარღვები სრულ წესრიგში ჰქონდა. საბოლოოდ მას ჰემოლაკრია დაუდგინეს. ეს არის უიშვიათესი დაავადება, რომლის დროსაც თვალიდან ცრემლთან ერთად სისხლიც მოდის.

ინდოელი ახალგაზრდის შემთხვევაში, ამ დაავადების მიზეზი ვერ დადგინდა.