რეგიონები

იგოეთის მონაკვეთზე ერთმანეთს 2 ტრაილერი შეეჯახა

გვიან ღამემდე იყო მოძრაობა პარალიზებული ცენტრალურ მაგისტრალზე დასავლეთის მიმართულებით.

ამის მიზეზი იგოეთის მონაკვეთზე მომხდარი ავტოსაგზაო შემთხვევა გახდა.

ერთმანეთს 2 სატვირთო ავტომანქანა შეეჯახა და აალდა. ტრაილერებიდან ერთი ავტომანქანის ნაწილებით, ხოლო მეორე სპირტით იყო დატვირთული, რაც განსაკუთრებულად სახიფათო იყო.

შემთხვევის ადგილზე სახანძრო სამაშველო სამსახურის 5 ბრიგადა მუშაობდა.

ავტოსაგზაო შემთხვევის დროს არავინ დაშავებულა, მძღოლებმა რეაგირება დროულად მოასწრეს. მომხდარ ფაქტზე აღძრულია სისხლის სამართლის საქმე.

ნინო ექვთიმიშვილი