მოზაიკა

ჰილარი კლინტონი, შესაძლოა, სატელევიზიო შოუს წამყვანი გახდეს

ამერიკის პრეზიდენტობის ექს-კანდიდატი, ჰილარი კლინტონი შესაძლოა, სატელევიზიო გადაცემის წამყვანი გახდეს.

გადაცემა თანამედროვეობის აქტუალურ საკითხებს მიეძღვნება. ასევე, სავარაუდოდ, გადაცემის ფარგლებში, კლინტონი მსოფლიოს ლიდერებისგან ინტერვიუს აიღებს, სტუდიაში კი საინტერესო სტუმრებს მიიწვევს.

ამის შესახებ ჟურნალ Townhall წერს.

„ის სერიოზულად განიხილავს საკუთარი სატელევიზიო შოუს იდეას. წამყვანის ამპლუაში იგი ყოველდღიურ თემებს განიხილავს, მიიწვევს საინტერესო სტუმრებს, აიღებს ინტერვიუს მსოფლიოს ლიდერებისგან და პროგრესულად მოაზროვნე ადამიანებისგან“,-ციტირებს ჟურნალი კლინტონის გარემოცვიდან წყაროს სიტყვებს.

მონიკა დავლიანიძე