რეგიონები

გურჯაანში მამაკაცი მოკლეს

გურჯაანის მუნიციპალიტეტის სოფელ კალაურში მდებარე საკუთარ საცხოვრებელ სახლში 54 წლის ლადო ქევხიშვილი მოკლეს.

არსებული ინფორმაციით, გარდაცვლილს ბლაგვი საგნით თავის არეში და სხეულის სხვადასხვა ადგილზე სასიკვდილო დაზიანებები აქვს მიყენებული.

ადგილზე სამართალდამცველები მუშაობენ. მიმდინარეობს საგამოძიებო მოქმედებები.

ადგილობრივების ინფორმაციით, მამაკაცი დააბეს და ფულს ითხოვდნენ. წაღებულია 20 ათასი ლარი, რომელიც გარდაცვლილს ტრაქტორის საყიდლად ჰქონდა.

შსს-ში ცნობით, მომხდარზე გამოძიება სისხლის სამართლის კოდექსის 108-ე, განზრახ მკვლელობის მუხლით დაიწყო.

უწყების ცნობით, ეჭვმიტანილის დასაკავებლად მიმდინარეობს სამძებრო სამუშაოები.