მოზაიკა

გოეთეს ინსტიტუტში სპექტაკლი „შავი ნისლი` გაიმართება

27 მაისს 15:00 საათზე გოეთეს ინსტიტუტში „გერმანული ენის თვის“ ფარგლებში გაიმართება თავისუფალი საბავშვო თეატრის "აიწონა-დაიწონა" სპექტაკლი „შავი ნისლი" ჰაერის დაბინძურებისა და გარემოს დაცვის თემაზე.

სპექტაკლის დასრულებისთანავე შედგება დისკუსია-ვორქშოპი გარემოსდაცვისა და ნარჩენების გადამუშავების საკითხებზე.

სცენარის ავტორი: ფოლკერ ლუდვიგი
თარგმანი: თამთა მელაშვილი
რეჟისორი: მარაიკე ვენცელი
სპექტაკლის ენა: ქართული
მსახიობები:
მაი - ნათია ქავთარაძე
სანდრო - ჯიმი მელქაძე
კასპარი - არჩილ სულაქველიძე
ტატა/კატო - მარიამ გაბრიჩიძე
დედა/ლუიზა - ლილი მამულაშვილი
მამა/დარაჯი - გიორგი ფარჯანაძე

„აიწონა-დაიწონა“ თავისუფალი საბავშვო თეატრია, რომელიც 2016 წელს ბერლინელი მსახიობისა და რეჟისორის მარიკე ვენცელის მიერ დაარსდა ქართველ მსახიობებთან ლილი მამულაშვილთან, მარიამ გაბრიჩიძესთან და ნათია ქავთარაძესთან ერთად. მათი საქმიანობა ბერლინის GRIPS-ის თეატრის პრინციპებზეა დაფუძნებული. ამ კონცეფციის მიხედვით თეატრის მიზანია სოციალური და პოლიტიკური პრობლემების ახსნა, მაყურებელში სოლიდარობის გრძნობის გაღვიძება და ცვლილების მუხტის გაჩენა.

ყოველწლიური პროექტი „გერმანული ენის თვე“ სლოგანით „სამი ქვეყანა - ერთი ენა“ 15 მაისიდან 17 ივნისამდე გერმანიის, ავსტრიისა და შვეიცარიის საელჩოების ორგანიზებით უკვე მეექვსედ იმართება. მისი მიზანია გერმანული ენისა და გერმანულენოვანი ქვეყნების მდიდარი კულტურის მიმართ საზოგადოების ინტერესის გაზრდა. ერთი თვის განმავლობაში როგორც თბილისში, ასევე საქართველოს რეგიონებში იმართება მოხსენებები, კინო-ჩვენებები, ლიტერატურული, საინფორმაციო და სპორტული ღონისძიებები, რაც კიდევ უფრო გაზრდის იმ შესაძლებლობებს, რასაც ეს ქვეყნები სტიპენდიების, ბიბლოთეკებისა თუ საგრანტო პროგრამების სახით დაინტერესებულ პირებს სთავაზობენ.