რეგიონები

გირგვლიანის მკვლელების შეწყალება აბსოლუტური ამორალობაა - გიორგი მარგველაშვილი

გირგვლიანის მკვლელების შეწყალება აბსოლუტური ამორალობაა, რადგან როცა ადამიანს წამებით კლავენ, რაშიც შენი გარემოცვა მონაწილეობს, ეს ადამიანები არ უნდა შეიწყალო. აქ მორალზე ლაპარაკიც არ არის, – განაცხადა საქართველოს პრეზიდენტმა გიორგი მარგველაშვილმა პირველი არხის გადაცემა „კვირის ინტერვიუში“ სტუმრობისას.

ამ განცხადებით გიორგი მარგველაშვილმა გადაცემის წამყვანის შეკითხვას უპასუხა, არსებობს თუ არა მორალური დილემა და როგორ უნდა მოიქცეს სახელმწიფო, რომ პრეზიდენტმა ასეთი ადამიანები აღარ შეიწყალოს; ქვეყნის მეთაურს შეწყალების აბსოლუტური უფლება უნდა შეეზღუდოს, თუ უნდა დარჩეს.
,,როდესაც სააკაშვილმა გირგვლიანის მკვლელები შეიწყალა, იქ მორალური დილემა არ ყოფილა. ისეთი პრეზიდენტი არ უნდა აირჩიო, რომელიც შეკვეთილი წამებისა და მკვლელობის აღმსრულებლებისთვის ჯერ კანონმდებლობას შეცვლის, მერე კი ამ ადამიანებს ციხიდან გამოუშვებს“, – განაცხადა გიორგი მარგველაშვილმა.