მოზაიკა

ღვინოს კარიესის საწინააღმდეგო და ღრძილების სამკურნალო თვისებები აღმოაჩნდა

როგორც ირკვევა, ღვინოს, რომელსაც მაღალი მჟავიანობის გამო სტომატოლოგები უარყოფენ, კარიესის საწინააღმდეგო და ღრძილების სამკურნალო თვისებები ჰქონია.

The Daily Mail-ი წერს, რომ ღვინო პირის ღრუში არსებული საშიში ბაქტერიების ნეიტრალიზებას ახდენს. ის არ აძლევს საშუალებას კარიესისა და ღრძილის ანთების გამომწვევ ბაქტიერებს პირის ღრუს ქსოვილებზე დარჩნენ.

ღვინის ეს სასარგებლო თვისება ესპანეთის ნაციონალურმა კვლევითმა საბჭომ აღმოაჩინა. საიდუმლო კი, ღვინოში შემავალ უნიკალურ ანტიოქსიდანტებში იმალება. მათი ეფექტიანობა ლაბორატორიაში, პირის ღრუს ქსოვილის მოდელზე ჩატარებულმა ექსპრიმენტებმა დაადგინა. როდესაც ღვინის ანტიოქსიდანტები ხვდებოდნენ პირის ღრუში, ისინი გამოყოფდნენ სასარგებლო მოლეკულებს, რომლებიც თავის მხრივ, არ აძლევდნენ საშუალებას საშიშ ბაქტერიებს, პირის ღრუს ზედაპირს მიერთებოდნენ.

ესპანელი მკვლევარები არ გამორიცხავენ, რომ სამომავლოდ ბაზარზე გამოჩნდეს ღვინოში შემავალი ანტიოქსიდანტების შემცველი კბილის პასტები, საღეჭი რეზინები თუ პირის ღრუს სავლებები.

ნინო ექვთიმიშვილი