მოზაიკა

„განათლების საერთაშორისო გამოფენა - თბილისი - 2016“

23 ოქტომბერს, თბილისში, ჩატარდება განათლების საერთაშორისო გამოფენა.

გამოფენა ტარდება მათთვის, ვინც დაინტერესებულია საზღვარგარეთ სწავლით, სტიპენდიებისა და გრანტების მიღებით, სტაჟირებით, სხვადასხვა სასწავლო პროგრამით.

გამოფენაში მონაწილეობას მიიღებენ მსოფლიოს სხვადასხვა ქვეყნის კერძო და სახელმწიფო უმაღლესი სასწავლებლები.

გამოფენაში მონაწილეობას მიიღებს ამერიკის შეერთებული შტატების საელჩო საქართველოში და საერთაშორისო ორგანიზაციები (ამერიკული საბჭოები, ბრიტანეთის საბჭო, ESN, AIESEC, ფრანგული ინსტიტუტი და სხვა.). ისინი წარმოადგენენ სხვადასხვა ქვეყნის უმაღლესი სასწავლებლების პროგრამებს. სტიპენდიებს, გაცვლით პროგრამებს და სტაჟირებებს.

ამ გამოფენის საშუალებით დაინტერესებულ პირებს ეძლევათ უნიკალური შესაძლებლობა, პირისპირ გაესაუბრონ უნივერსიტეტებისა და საერთაშორისო ორგანიზაციების წარმომადგენლებს და მიიღონ ამომწურავი ინფორმაცია მათთვის საინტერესო ყველა კითხვაზე.

განათლების საერთაშორისო გამოფენის ორგანიზატორია საგანმანათლებლო ორგანიზაცია Edu-Guide.Ge. (www.edu-guide.ge)

გამოფენის ჩატარების ადგილი: თბილისი, სასტუმრო Holiday Inn Tbilisi

ჩატარების დრო: 23 ოქტომბერი, 2016 წელი. 12:00-18:00