რეგიონები

,,გადაიხადე 50%“ - ,,ჯორჯიან უოთერ ენდ ფაუერის” წამახალისებელი აქცია დღეიდან ,,რუსთავის წყლის” აბონენტებზეც გავრცელდა

,,ჯორჯიან უოთერ ენდ ფაუერი“ და ,,რუსთავის წყალი” დავალიანების მქონე აბონენტებს 2015 წლის 1 იანვრამდე მოხმარებული წყლის საფასურის 50%-ის გადახდის შემთხვევაში, აღნიშნული პერიოდის დავალიანების მეორე ნახევარს ავტომატურად ჩამოაჭრის.

აქცია 30 ნოემბრამდე გაგრძელდება. აბონენტები მარტივად, ოფისში მისვლის გარეშე სარგებლობენ ხელსაყრელი პირობებით, – აცნობეს მედიანიუსს ,,ჯორჯიან უოთერ ენდ ფაუერიდან“.

დავალიანების 50%-ის დასაფარად, მომხმარებელი რეკავს ცხელ ხაზზე - 2 93 11 11 (თბილისი) და 22 00 11 (რუსთავი), ან სარგებლობს კომპანიის ფეისბუქით და ვებგვერდზე არსებული ონლაინ ჩათით. ოპერატორი მომხმარებელს აბონენტის ნომრის მიხედვით ეხმარება დავალიანების ოდენობის დაზუსტებაში და დავალიანების ჩამოწერაში.

სურვილის შემთხვევაში მომხმარებლები მიმართავენ კომპანიის სერვისცენტრებს ქალაქ თბილისში შემდეგ მისამართებზე: საბურთალოს რაიონში - ყაზბეგის გამზ. 19ბ, გლდანის რაიონში - ვეკუას ქ. 2, ისნის რაიონში შუამთის ქ.10, ხოლო ქალაქ რუსთავში - შარტავას ქ. 4.

მომხმარებლები აქტიურად ერთვებიან აქციაში და აღნიშნავენ, რომ მათ აქვთ საუკეთესო შესაძლებლობა დავალიანების სრულად დასაფარად.

კომპანიაში ვარაუდობენ, რომ წამახალისებელი აქციის შედეგად, აბონენტებზე დარიცხული დავალიანება მკვეთრად შემცირდება.