რეგიონები

ფოთის ვიცე-მერის განცხადებით, სტიქიის მიერ ქალაქისთვის მიყენებულმა ზიანმა მილიონ ლარს მიაღწია

ფოთის ვიცე-მერის, კოტე თოფურიას ინფორმაციით, ქალაქში სტიქიის შედეგად მიყენებულმა ზარალმა მილიონ ლარს მიაღწია.

მისივე თქმით, ეს არის პირველადი მონაცემები, რადგან სპეციალური კომისია ზარალის აღწერას ამ დრომდე აგრძელებს.

წინასწარი ინფორმაციით, დაზიანებულია 94 კერძო სახლი და მუნიციპალურ ბალანსზე არსებული 40 ობიექტი.

„პირველადი დახმარებისთვის ადგილობრივი ბიუჯეტის სარეზერვო ფონდიდან გამოყოფილია 10 ათასი ლარი, დანარჩენი თანხა კი ცენტრალური ბიუჯეტიდან გამოიყოფა. უბნებზე, სადაც სტიქიის შედეგად მიყენებული ზარალი დიდია, ამ დრომდე აღდგენითი სამუშაოები გრძელდება“, – განაცხადა თოფურიამ.