მოზაიკა

FIFA-ს გადაწყვეტილებით, წლის საუკეთესო ფეხბურთელის წოდებისთვის მესი, რონალდუ და გრიზმანი იბრძოლებენ

FIFA-მ იმ ფეხბურთელების ვინაობა დაასახელა, რომლებიც 2016 წლის მსოლიფოს საუკეთესო ფეხბურთელის წოდებისთვის იბრძოლებენ.

სამივე პრეტენდენტი ესპანეთის კლუბების ღორსებას იცავს. პორტუგალიელი კრიშტიანუ რონალდუ „რეალიდან“, არგენტინელი ლეონელ მესი „ბარსელონადან“ და ფრანგი ანტუან გრიზმანი „ატლეტიკოდან“.
2016 წლის მსოფლიოს საუკეთესო ფეხბურთელი 2017 წლის 9 იანვარს გამოვლინდება.

აღსანიშნავია, რომ 2008 წლიდან საუკეთესო ფეხბურთელის წოდებას მესი და რონალდუ ინაწილებდნენ, რონალდუმ წოდება სამჯერ მოიპოვა, მესიმ კი ხუთჯერ.

2010 წლიდან ფიფა და ფრანგული ჟურნალი France Football გამარჯვებულს ერთობლივ ჯილდოს “ფიფა-ს ოქროს ბურთს“ გადასცემდნენ, თუმცა 2016 წელს აღნიშნული შეთანმება გაწყდა და FIFA კვლავინდებურად, საუკეთესო ფეხბურთელს ინდივიდუალურად გამოავლენს.

France Football კი, თავის ჯილდოს „ოქროს ბურთს“ ევროპის საუკეთესო ფეხბურთელს გადასცემს.

მონიკა დავლიანიძე