რეგიონები

ეს ქალბატონი თვითონ ვერ ხვდება, რატომ უნდა მისცენ ხმა - პაატა ბურჭულაძე სალომე ზურაბიშვილზე

გაერთიანებული ოპოზიცია- „ძალა ერთობაშიას“ საპრეზიდენტო კანდიდატი გრიგოლ ვაშაძე ზუგდიდში მხარდამჭერებს ხვდება.

შეხვედრაზე მისულ ადგილობრივებს ფონდ იავნანას დამფუძნებელმა, მსოფლიო ბანმა, პაატა ბურჭულაძემ სიტყვით მიმართა და საქართველოს მოქალაქეებს მოუწოდა მხარი დაუჭირონ ცვლილებებს და უკეთეს მომავალს.

ბურჭულაძის განცხადებით, ივანიშვილმა საქართველოს თავზე დაასვა მთავრობა, რომელიც ახორციელებს ადამიანების დევნას და ქვეყანას გაჭირვებაში აცხოვრებს.

„დღეს მე აქ მოვედი, როგორც რიგითი მოქალაქე, აქ მომიყვანა დიდმა წუხილმა. ჩვენ უნდა ვუთხრათ არა სიძულვილს, ადამიანის შეურაცხყოფას, დევნას, რომელიც შეძლო ამ მავნებელმა მთავრობამ, რომელიც ბიძინა ივანიშვილმა მოგვიყვანა და დაგვასვა თავზე. მათ შეძლეს ჩვენი გაყოფა, ხალხო, შეძლეს, რომ ასეთ შეურაცხყოფს ვაყენებთ ერთმანეთს. ეს მათ აწყობთ. ბიძინა ივანიშვილს აქვს გენიალური ძალიან დიდი უნარი მოიყვანოს უნიჭო და უპატივცემულო ადამიანები ქვეყნის სათავეში, რომ მას დაემორჩილონ.

დღეს პროკურატურა პროკურატურა არ არის, სასამართლო სასამართლო არ არის, ის წყვეტს ყველაფერს. ჩვენ ამას ავიტანთ? გუშინ გადავეცი პრემიერს ჩვენი ყველას სია, 400 ოჯახის და სტუდენტების, რომლითაც სწავლის დაფინანსება უნდათ, როცა ვიძახი ფონდ იავნანას, ჩვენ ვართ ყველანი. ჩვენ უკვე დავუფინანსეთ პირველი სემესტრი, მეორე სემესტრს მთავრობა უნდა უფინანსებდეს. ვნახოთ, უნდა შევამოწმოთ, როგორ მიხედავენ ამ ხალხს. ჩვენ ამას ქველმოქმედებით ვაკეთებდით, ეს მათი ვალდებულებაა,“ - განაცხადა ბურჭულაძემ.

ფონდ იავნანას დამფუძნებელმა, ,,ქართული ოცნების“ მიერ მხარდაჭერილი პრეზიდენტობის კანდიდატზეც, სალომე ზურაბიშვილზეც ისაუბრა.

„ეს ქალბატონი თვითონ ვერ ხვდება, რატომ უნდა მისცენ ხმა. ბიძინა ივანიშვილს უნდა, რომ ჩვენ საბჭოთა ეპოქაში ჩაგვიყვანოს,“ - განაცხადა პაატა ბურჭულაძემ ზუგდიდელების წინაშე სიტყვით გამოსვლისას.