რეგიონები

ენმ და ევროპული საქართველო აჭარის მთავრობის თავმჯდომარეობის თანამდებობაზე ერთიანი კანდიდატის დასახელებას გეგმავენ

აჭარის ავტონომიური რესპუბლიკის უმაღლეს საბჭოში "ერთიანი ნაციონალური მოძრაობისა" და "ევროპული საქართველოს" წარმომადგენლები მთავრობის თავმჯდომარეობის თანამდებობაზე ერთიანი კანდიდატის დასახელებას გეგმავენ.

შესაბამისი განცხადება "ერთიანი ნაციონალური მოძრაობისა" და "ევროპული საქართველოს" წევრებმა ბათუმში პრეზიდენტის ადმინისტრაციის თანამშრომლებთან შეხვედრის შემდეგ ჟურნალისტებთან გააკეთეს.

მათივე თქმით, საკითხზე კონსულტაციები გრძელდება.

"გრძელდება კონსულტაციები, ჩვენ უნდა დავდგეთ პარტიულ ინტერესებზე მაღლა და დავასახელოთ ისეთი კანდიდატი, რომელიც ანგარიშვალდებული იქნება ხალხთან და არა ბიძინა ივანიშვილთან. კონსულტაციების დასრულების შემდეგ ჩვენ ერთობლივად წარვადგენთ კანდიდატს", -განაცხადა ენმ-ს წევრმა გია აბულაძემ.

ცნობისათვის, „ქართულმა ოცნებამ“ აჭარის მთავრობის თავმჯდომარის თანამდებობაზე თორნიკე რიჟვაძის კანდიდატურა წარადგინა.