რეგიონები

ძლიერმა წვიმამ ხაშურში სახლების დატბორვა გამოიწვია

ხაშურში ძლიერი წვიმის შედეგად რამდენიმე სახლი დაიტბორა. სანიაღვრე არხმა ადიდებული მდინარე შოლას წყალი ვეღარ გაატარა.

რამდენიმე ათეული სახლის ეზოები და სარდაფები წყლითაა დაფარული.

განსაკუთრებულად მძიმე ვითარებაა იმერეთის ქუჩაზე. მოსახლეობის ამბობს, რომ სანიაღვრე არხი გასაწმენდია და ამის გამო არაერთხელ მიმართეს მუნიციპალიტეტის ხელმძღვანელობას, თუმცა უწყებიდან რეაგირება არ მოჰყვა.

„ეს არხი გასაწმენდია. აქ იმდენი ხიდი დააშენეს, რომ გამტარიანობა არხს აღარ აქვს. სადრენაჟე სისტემა მთლიანად მოშლილია. ვითხოვთ, ტექნიკა მოგვაშველონ, წყლის დინება თუ არ შეწყდა, სახანძრო სამსახური წყლის ამოტუმბვას ვერ დაიწყებს. მუნიციპალიტეტს არაერთხელ მივმართეთ, მაგრამ პრობლემა მოუგვარებელია. დიდი ზარალი გვაქვს მოსახლეობას, დახმარებას და პასუხებს ვითხოვთ“,- განაცხადა იმერეთის ქუჩის მცხოვრებელმა დავით ნოზაძემ.