რეგიონები

ძლიერმა ქარმა კახეთი დააზარალა

კახეთში ძლიერმა ქარმა რამდენიმე მუნიციპალიტეტი დააზარალა. მძიმე მდგომარეობაა თელავსა და გურჯაანში, რომელთა მოსახლეობას ელექტროენერგია არ მიეწოდება. სტიქიამ ელექტროგადამცემი ხაზები დააზიანა, ასევე წაქცეულია ხეები, ხოლო საცხოვრებელ სახლებს სახურავები აქვთ ახდილი.

ადგილზე მობილიზებული არიან სამაშველო ჯგუფები.

„მიდის სამსახურების მიერ გადამოწმება რაიონის მასშტაბით. მუნიციპალიტეტში არ არის ელექტროენერგია. გადამოწმება მიდის და არ რთავენ ჯერჯერობით. დაზიანებულია ელექტროსადენები. "ელექტროპრო" მუშაობს პარალელურ რეჟიმში“, - თქვა გურჯაანის მერმა არჩილ ხანდამაშვილმა.