დღის კალენდარი

დღის კალენდარი - 9 სექტემბერი

წლის 252-ე დღე‚ ახალ წლამდე დარჩა 114 დღე.

საეკლესიო კალენდარი

ხსენება ღირსი პიმენ დიდისა (დაახლ. 450); წმიდა ოსესი, აღმსარებელისა, — კორდობელ ეპისკოპოსისა (359); წმიდა ლიბერი აღმსარებელი, რომის პაპისა (366); ღირსი პიმენ პალესტინელისა (დაახლ. 602), მოწამე ანთისასი; ღირსი საბასი.

ღირსი მამა პიმენ დიდი დაიბადა დაახლოებით 340 წელს ეგვიპტეში. თავის ორ ძმასთან — ანუბისა და პაისისთან ერთად ეგვიპტის ერთ-ერთ მონასტერში ბერად შედგა. ბევრი ბერისთვის ღირსი პიმენი სულიერი მოძღვარი და ხელმძღვანელი იყო. იგი დაახლოებით 450 წელს გარდაიცვალა 110 წლის ასაკში. მალე იგი წმიდანად აღიარეს. მან მორჩილებისთვის, სიბრძნისთვის, სიმართლისა და თავდადებული სამსახურისთვის „დიდის“ სახელიც მიიღო.

მღვდელთმთავარი ოსე აღმსარებელი (IV საუკუნე) 60 წლის განმავლობაში კორდობის (ესპანეთი) ეპისკოპოსი იყო. წმიდა მართლმორწმუნე მეფე კონსტანტინე დიდი (306-337) ძალიან აფასებდა მას და იგი უახლოეს მრჩევლად გაიხადა. მღვდელმთავრის მოთხოვნით, კონსტანტინემ 325 წელს ნიკეაში I მსოფლიო კრება მოიწვია. წმიდა ოსემ პირველმა მოაწერა ხელი კრების დადგენილებას. მღვდელთმთავარი ოსე 359 წელს გარდაიცვალა.

მღვდელთმთავარი ლიბერი აღმსარებელი რომის პაპის ტახტზე ავიდა 352 წელს პაპ იულიუსის გარდაცვალების შემდეგ. იგი 366 წელს გარდაიცვალა.

ღირსი პიმენ პალესტინელი რუბის უდაბნოს მღვიმეში VI საუკუნეში ცხოვრობდა. წმიდა მეუდაბნოე პიმენ პალესტინელი VI საუკუნის ბოლოს მხეცებმა დაგლიჯეს.

დაიბადნენ:

1585 – არმან რიშელიე, ჰერცოგი, კარდინალი, საფრანგეთის ფაქტობრივი მმართველი.

1737 – ლუიჯი გალვანი, იტალიელი ფიზიკოსი და ფიზიოლოგი, ელექტრობის შესახებ მეცნიერების ერთ-ერთი ფუძემდებელი.

1769 – ივან კოტლიარევსკი, უკრაინელი მწერალი, თანამედროვე უკრაინული ლიტერატურის ფუძემდებელი.

1828 – ლევ ტოლსტოი, რუსული ლიტერატურის კლასიკოსი. გარდაიცვალა 1910 წელს.

1916 – ლეა ფლური, შვეიცარიელი ქართველოლოგი.

1949 – ჯონ კარი, ინგლისელი ფიგურისტი, „ყინულის ნურიევად“ წოდებული.

გარდაიცვალნენ:

1087 – ვილჰელმ I დამპყრობი, ინგლისის მეფე და ნორმანდიის ჰერცოგი.

1898 – სტეფან მალარმე, ფრანგი პოეტი.