დღის კალენდარი

დღის კალენდარი _ 27 ოქტომბერი

წლის 301-ე დღე‚ ახალ წლამდე დარჩა 65 დღე.

საეკლესიო კალენდარი

წმიდა ნაზარისა, გერვასისა, პროტასისა, კელასისა (I); მოწამე სილოვანესი, ღაზელ ხუცისა (IV); ღირსი პარასკევა სერბიელისა (XI).

მოწამენი: ნაზარი, გერვასი, პროტასი და კელასი იმპერატორ ნერონის დროს ევნენ ქრისტეს სახელისთვის. წმ. ნაზარი იყო ქრისტიანი დედის პერპუტასი და იუდეველი მამის აფრიკანეს ძე. ის რომში დაიბადა, სადაც ეპისკოპოსმა ლინემ ქრისტიანობას ჭაბუკობაშივე აზიარა.

ღირსი დედა პარასკევა სერბიელი დაიბადა ღვთისმოშიში ქრისტიანი ბულგარელების ოჯახში, სოფელ ეპივატში, რომელიც სილისტრიასა და კონსტანტინოპოლს შორის მდებარეობდა.

მღვდელმოწამე სილოვანი, ღაზელი ხუცესი წარმოშობით ქალაქ ღაზიდან იყო და თავის მშობლიურ ქალაქშივე ხუცესად ემსახურებოდა ღმერთს. ის წარმართებმა შეიპყრეს. მიუხედავად დიდი ტანჯვისა, წმიდა ხუცესი არ განუდგა ქრისტეს. მას სხვა 40 ქრისტიანთან ერთად თავი მოკვეთეს.

დაიბადნენ:

1466 _ ერაზმ როტერდამელი, ნიდერლანდელი ჰუმანისტი, თეოლოგი, ფილოსოფოსი, მწერალი. გარდაიცვალა 1536 წელს.

1728 _ ჯეიმს კუკი, ინგლისელი ზღვაოსანი. გარდაიცვალა 1779 წელს.

1782 _ ნიკოლო პაგანინი, იტალიელი მევიოლინე და კომპოზიტორი. გარდაიცვალა 1840 წელს.

1811 _ ისააკ ზინგერი, ამერიკელი გამომგონებელი. გარდაიცვალა 1875 წელს.

1840 _ იაკობ გოგებაშვილი, პედაგოგი, მეცნიერული პედაგოგიკის ფუძემდებელი საქართველოში, პუბლიცისტი და საბავშვო მწერალი. გარდაიცვალა 1912 წელს.

1855 _ ივან მიჩურინი, ცნობილი რუსი სელექციონერი. გარდაიცვალა 1935 წელს.

1858 _ თეოდორ რუზველტი, აშშ-ს პრეზიდენტი. გარდაიცვალა 1919 წელს.

1888 – სერგი დანელია, ფილოსოფოსი. გარდაიცვალა 1963 წელს.

1960 _ მამუკა ცეცხლაძე, მხატვარი.

გარდაიცვალნენ:

1505 _ ივან III, რუსეთის მეფე.

1977 _ ჯეიმზ კეინი, ამერიკელი მწერალი.

1990 _ ჟაკი დემი, ფრანგი კინორეჟისორი.

მოვლენები:

1492 წელი — ქრისტოფერ კოლუმბმა აღმოაჩინა კუბა.

1924 წელი — ჩამოყალიბდა თურქმენეთისა და უზბეკეთის საბჭოთა სოციალისტური რესპუბლიკები.

1925 წელი — ფრედ უოლერმა წყლის თხილამურები დააპატენტა.