მოზაიკა

დღეს ქვეყნის მთელ ტერიტორიაზე ნალექიან ამინდს ელიან

დღეისთვის, საქართველოს უმეტეს რაიონში სინოპტიკოსები ნალექიან ამინდს პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოს უმეტეს რაიონში წვიმაა მოსალოდნელი, მაღალ მთაში თოვლი, ზოგან ძლიერი. იქროლებს აღმოსავლეთს ქარი 10-15 მეტრი/წამში, ზოგან ძლიერი 20-25 მეტრი/წამში. ჰაერის მოსალოდნელი ტემპერატურაა: დაბლობში +13, +15; მთაში +8, +13; მაღალ მთაში 0, +5 გრადუსი.

აღმოსავლეთ საქართველოს უმეტეს რაიონშიც ასევე ნალექია ნავარაუდევი, ზოგიერთ მთიან რაიონში თოვლის სახით, ზოგან შესაძლებელია ძლიერი თოვა და ნისლი. იქროლებს აღმოსავლეთის ქარი 10-15 მეტრი/წამში, ზოგან ძლიერი 20-15 მეტრი/წამში. ჰაერის ტემპერატურა იქნება: დაბლობში +4, +9; მთაში +3, +8; მაღალ მთაში 0, +5 გრადუსი.

თბილისში მოსალოდნელია წვიმა და ნისლი. იქროლებს სამხრეთ-აღმოსავლეთის ქარი 8-13 მეტრი/წამში. ჰაერის მაქსიმალური ტემპერატურა კი დედაქალაქში +8 გრადუსი იქნება.