მოზაიკა

დღეს დასავლეთ საქართველოში ძლიერ ქარს, აღმოსავალეთში კი, ნალექს ელიან

სინოპტიკოსები დასავლეთ საქართველოში დღეისთვის ძლიერ ქარს პროგნოზირებენ, აღმოსავლეთში კი, ზოგან ნალექს.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში უმეტესად უნალექო ამინდია მოსალოდნელი. იქროლებს აღმოსავლეთის ქარი 10-15 მეტრი/წამში, დღისით ზოგან ძლიერი 20-25 მეტრი/წამში. ჰაერის მოსალოდნელი ტემპერატურაა: დაბლობში +9, +14; მთაში +2, +7; მაღალ მთაში -3, +2 გრადუსი.

აღმოსავლეთ საქართველოში ზოგან მცირე ნალექია ნავარაუდევი, მთაში თოვლის სახით. ზოგან შესაძლებელია ნისლი. იქროლებს აღმოსავლეთის ქარი 10-15 მეტრი/წამში. ჰაერის ტემპერატურა იქნება: +1, +6; მთაში -2, +3; მაღალ მთაში -7, -2 გრადუსი.

თბილისში დღეს უმეტესად უნალექო ამინდია მოსალოდნელი. შესაძლებელია ნისლი. იქროლებს სამხრეთ-აღმოსავლეთის ქარი 8-13 მეტრი/წამში. ჰაერის ტემპერატურა იქნება ღამით -1 და დღისით +5 გრადუსი.

ნინო ექვთიმიშვილი