რეგიონები

დავაფიქსირეთ, რომ სოციალური უზრუნველყოფის ხელმძღვანელი სოფლის გამგებელს სიებს გადასცემდა -ლაშა დამენია

ნაციონალური მოძრაობის ზუგდიდის შტაბის უფროსის ლაშა დამენიას განცხადებით,არჩევნების განმეორებითი კენჭისყრისთვის განმუხურსა და ჯიხაშკარის სოფლებში ზეწოლა მიმდინარეობს.

როგორც დამენიამ მედიასთან საუბარში განაცხადა, სოციალური უზრუნველყოფის ხელმძღვანელი სოფლის გამგებელს სიებს გადასცემდა.

„ზეწოლა მიმდინარეობს ორივე სოფელში, გაუგონარი პრესია, სოცუზრუნველყოფის სამსახურის უფროსზე. ჩვენ თვითონ დავაფიქსირეთ, რომ სოფლის ცენტრში, სოფლის გამგებელს აძლევდა სიებს, რაც მოგეხსენებათ, რასთანაც იქნება დაკავშირებული. ზეწოლები გრძელდება , მაგრამ ერთია მნიშვნელოვანი, რომ ორივე სოფელში ნაციონალური მოძრაობა იგებდა, თან დამაჯერებლად, სწორედ ამიტომაც ჩაიშალა ეს უბნები“,-აღნიშნა დამენიამ.

შეგახსენებთ, რომ ხვალ ზუგდიდსა და მარნეულის რამდენიმე საარჩევნო უბანზე განმეორებითი კენჭისყრა გაიმართება.

მონიკა დავლიანიძე