რეგიონები

ჩვენი მხრიდან გუდაურში საბაგიროს დამონტაჟებისას უსაფრთხოების ყველა ნორმა დაცული იყო - კომპანია „დოპელმაიერი“

კომპანია „დოპელმაიერი“, რომელმაც გუდაურში საბაგირო დაამონტაჟა, მომხდარ ინციდენტთან დაკავშირებით პირველ კომენტარს აკეთებს.

კომპანიის წარმომადგენლის, ეკეჰარდ ასმანის განცხადებით, მათ კონსტრუქცია რამდენიმე წლის წინ დაამონტაჟეს და უსაფრთხოების ყველა ნორმა დაცული იყო.

მისივე თქმით, კომპანია ექსპერტების დასკვნას ელოდება.

„ეს საბაგირო 2007 წელს მოეწყო, რა თქმა უნდა, ჩვენ ვნახეთ ვიდეომასალები, გუშინვე გამოვაგზავნეთ ინჟინრები გუდაურში და ისინი ახლაც იქ არიან, მაგრამ უშუალოდ ინციდენტის ადგილი დაკეტილია ხელისუფლების მიერ და ამ დროისთვის ვერ ვახერხებთ იქამდე მისვლას. ხელისუფლებას ნებისმიერ დახმარებას გავუწევთ რაც შეგვეძლება, იმისთვის რომ დადგინდეს მიზეზები. ეს არის იმ ათიათასამდე საბაგიროს შორის, რომლებიც ჩვენ კომპანიას აქვს დამონტაჟებული მსოფლიოში. ჩვენი მხრიდან უსაფრთხოების ყველა ნორმა დაცული იყო. ახლა უნდა დაველოდოთ რომ მომხდარის მიზეზი ხელისუფლებასთან ერთად გავარკვიოთ და შემდეგ შეგვეძლება დამატებით საუბარი,“- განაცხადა კომპანია „დოპელმაიერის“ წარმომადგენელმა ეკეჰარდ ასმანმა "კურიერთან" სატელეფონო საუბრისას.