რეგიონები

ჭიათურის მოსახლეობა კომპანია „ჯორჯიან მანგანეზის“ წინააღმდეგ აქციას მართავს

ჭიათურის სოფლების - ითხვისის, საფარისა და ავარიონის მოსახლეობა კომპანია „ჯორჯიან მანგანეზის“ წინააღმდეგ აქციას მართავს.

აქციის მონაწილეები 6-კილომეტრიანი გზის საფარის დაგებას ითხოვენ, რომელიც მათი თქმით, კომპანიის ავტომანქანებმა დააზიანა. ისინი უვკე მერვე დღეა მაღალი გამავლობის მანქანებს არ ატარებენ.

„დაახლოებით 10 წელია ვითხოვთ გზის საფარის დაგებას და ყურადღებას არავინ გვაქცევს. იმ შემთხვევაში, თუ ჩვენი მოთხოვნა არ დაკმაყოფილდა, აქციას არ შევწყვეტთ“, – აცხადებს აქციის მონაწილე ირაკლი კაპანაძე.

ჭიათურის მერი აქციის მონაწილეებს შეხვდა და განაცხადა რომ გზის 500-მეტრიანი მონაკვეთის სამუშაოების შესასრულებლად ტენდერი უკვე გამოცხადდა, რისთვისაც დაახლოებით 200 ათასი ლარი გამოიყო. მისივე თქმით, გზის დანარჩენი საფარი ეტაპობრივ დაიგება.

ცირა გურგენიძე