მოზაიკა

ბავშვი სახელად ჯიჰადი - ტულუზის ხელისუფლებამ მშობლებს ბავშვის სახელის გამო უჩივლა

ქალაქ ტულუზის ხელისუფლება წყვილს საფრანგეთის გენერალურ პროკურატურაში უჩივის იმის გამო, რომ მათ შვილს ჯიჰადი დაარქვეს.

ჯიჰადი არაბულიდან „მცდელობას“ ან „ბრძოლას“ ნიშნავს და არა უშუალოდ „წმინდა ომს“.

ფრანგული კანონმდებლობა არ ზღუდავს მშობლებს შვილის სახელის შერჩევაში, თუკი ის არ ლახავს ბავშვის ინტერესებსა და ოჯახის რეპუტაციას.

ბავშვი სახელად ჯიჰადი აგვისტოში დაიბადა. მანამდე ამ სახელის დარქმევა პრობლემას არ წარმოადგენდა. სიტუაცია რადიკალურად შეიცვალა, როცა საფრანგეთს ტერორისტული თავდასხმების ტალღამ გადაუარა.

ზოგადად, ტერმინ „ჯიჰადისტს“ ხმარობენ ისლამისტი ბოევიკებისა და იმ ტიპების მიმართ, ვინც ტერორისტულ აქტს ისლამური სახელმწიფოს სახელით სჩადის.

2015 წლიდან მოყოლებული ტერორისტებმა 230-ზე მეტი ადამაინი მოიკლედ საფრანგეთში.

2013 წელს საფრანგეთში ერთ-ერთ ქალს ერთთვიანი პირობითი თავისუფლების აღკვეთა შეუფარდეს და დააკისრეს ჯარიმა 2,000 ევროს ოდენობით, რადგან მან თავისი 3 წლის ვაჟი ჯიჰადი სკოლაში გაუშვა მაისურით წარწერებით „მე ვარ ბომბი“ და „ჯიჰადი, დაბადებული 11 სექტემებრს“. მაშინ სასამართლომ განაჩენი გამოუტანა არა შვილის სახელის, არამედ მაისურზე დატანებულ პროვოკაციული წარწერების გამო.

2015 წელს ფრანგულმა სასამართლომ მშობლებს აუკრძალა, ქალიშვილისთვის ნუტელა დაერქმიათ თხილის კარაქის საპატივცემულოდ. ამის მაგივრად ბავშვს სახელი ელა მისცეს.

ანა მებურიშვილი