რეგიონები

ბათუმში წყალდიდობის შედეგად დაზარალებულ ოჯახებზე 200-დან 500 ლარამდე კომპენსაცია გაიცემა

ბათუმში წყალდიდობის შედეგად დაზარალებული ოჯახები 200-დან 500 ლარამდე კომპენსაციას მიიღებენ.

ბათუმის მერიის მუნიციპალური სერვისების სააგენტომ ბათუმში სტიქიით შედეგად დაზარალებული მოსახლეობის ზარალი აღრიცხა.

სააგენტოს დირექტორის, ჯუმბერ კომალაძის ინფორმაციით, ამ დროისათვის 53 ოჯახია აღრიცხული, შემდეგ კი უწყებაში დამატებით 5 ადამიანის განაცხადი შევიდა.

მისივე თქმით, თითოეულ ოჯახს დაახლოებით 200 დან 500 ლარამდე ზარალი მიადგა , რომელსაც ერთი კვირის ვადაში მერია აუნაზღაურებს.

,,ყველა ოჯახი აღწერილი არის. ზარალი დადგენილი არის. აღწერილია 53 ოჯახი, თუმცხა განცხადებები კიდევ შემოდის. დაახლოებით 10 დღის ვადაში მოხდება ამ თანხების გაცემა“, - განაცხადა ჯუმბერ კომალაძემ.