რეგიონები

ბათუმში, სასტუმრო „ლეოგრანდზე“ ლოგო მოხსნეს

ბათუმში სასტუმრო „ლეოგრანდის“ ლოგო მოხსნილია. ამის შესახებ აჭარის საზოგადოებრივმა მაუწყებელმა დაწერა.

ლოგოს მოხსნა უკავშირდება სასტუმროს მენეჯმენტის გადაწყვეტილებას რებრენდინგის, ლოგოსა და სახელწოდების შეცვლის შესახებ, რაც გამოწვეულია 24 ნოემბერს გაჩენილი ხანძრით, რომლის შედეგად 11 ადამიანი დაიღუპა.

ინფორმაცია, რომ სასტუმრო და სამორინე „ლეოგრანდი“ სახელწოდებას შეცვლიდა, გასული წლის დეკემბერში გახდა ცნობილი.

გამოძიება აღნიშნულ საქმეზე დღემდე გრძელდება სისხლის სამართლის კოდექსის 243-ე მუხლის, მე-3 ნაწილით, რაც სახანძრო უსაფრთხოების წესების დარღვევას გულისხმობს.