რეგიონები

ბათუმში მეჩეთი უნდა აშენდეს მხოლოდ ქართული ფულით - თორნიკე რიჟვაძე

ბათუმში ახალი მეჩეთი უნდა აშენდეს მხოლოდ ქართული ფულით, – განაცხადა აჭარის მთავრობის თავმჯდომარეობის კანდიდატმა, თორნიკე რიჟვაძემ უმაღლესი საბჭოს რიგგარეშე სესიაზე, რომელზეც აჭარის მთავრობის ახალი შემადგენლობა უნდა დამტკიცდეს.

მეჩეთის აშენების საკითხით სხდომაზე „ნაციონალური მოძრაობის“ წევრები დაინტერესდნენ.

“აჭარა არის მულტიკულტურული და მულტირელიგიური რეგიონი, უზრუნველყოფილი უნდა იყოს ყველა აღმსარებლობის, მიმდევრის უფლება და თავისუფლება. საზოგადოებრივი კონსენსუსის საფუძველზე, ახლო მომავალში მივიღებთ გადაწყვეტილებას. დეტალები ადგილმდებარეობის, მეჩეთის არქიტექტურის თაობაზე ასევე კონსენსუსის საფუძველზე დაზუსტდება და რაც მთავარია, მეჩეთი უნდა აშენდეს მხოლოდ ქართული ფულით”, – განაცხადა თორნიკე რიჟვაძემ.

ნინო ექვთიმიშვილი