რეგიონები

ბათუმში ხანძრის შედეგად ათზე მეტი მაღაზია დაიწვა

ბათუმში ხანძრის შედეგად 500 კვადრატული მეტრი ტერიტორია და ათზე მეტი მაღაზია დაიწვა.

ინფორმაცია ამის შესახებ ჟურნალისტებს საგანგებო სიტუაციების მართვის სამსახურის აჭარის მთავრი სამმართველოს უფროსმა, ირაკლი თოიძემ მიაწოდა.

„ხანძრის შესახებ შეტყობინება 02:05 საათზე შემოვიდა, ადგილზე 10 სახანძრო იყო მობილიზებული. ცეცხლი სახლის სახურავზე გაჩნდა, თუმცა ჯერ გამომწვევ მიზეზებზე საუბარი ნაადრევია“, – განაცხადა ირაკლი თოიძემ.

ხანძრის შედეგად მიყენებული ზიანის ოდენობა ჯერ უცნობია.

ბათუმში ხანძარი პუშკინის ქუჩაზე, ბაზრობის მიმდებარე ტერიტორიაზე გაჩნდა.